Shuk shamuk pacha punchapi

Por: Jenny Guasco
Lcda. Educación. Azogues (Ecuador)

*

Yuyarini shuk shamuk pacha punchapi rikunkapak rinata,

hamutarinkichari ñukakapa llaki punchakunata.

Yuyarinimi rikunkapak rinata, ashunkari chishi mana utkaka,

antakuruta shuyrani kikinpa kitiman apachun.

*

Ñukapa kaya puncha yuyaykunapika, kikinpa makita kushiywan hapini,

sarun punchakunapi kikinpa shuyumi ñuka yuyaypi rikurirka.

Ñukapa shamuk pacha yuyaykunapika kikinpa wasi punkupi shuyranki,

sarun punchakuna ñuka muskuypi, tyarishpa shuyranki antawapa punkuta paskankapak.

*

Shuyray, rikunkapak rinata yuyanimi, ama utka puriychu,

saki ñuka pacha kawsaypash alliyachun.

Ashallata shuyray, ñuka yuyaypika rikunkapak rishami,

saki ñuka pachakuna watanata sakichun.

*

Yachanimi, samaywanrami kanki, ñuka yuyaypika kikinpa shunku kawsakunrami,

mana kikinpa sinchi rimaykunawanka, mana shuk kaysayta yuyari tukunichu.

Yachanimi samaywanrami kanki, ñuka yuyaypi kikinpa shunkuka kawsakunrami,

Kawsayka shuk tupanakuyta karanatami charin.

*

Yuyarini shuk shamuk pacha punchapi rikunkapak rinata,

ama utka puriychu, maykan shamuy pacha punchapi rikunakushunmi.

Mana ri tukunkichu manara shuk chapayta, shuk asiyta kunkichu,

yuyarini shuk shamuk pacha punchapi rikunkapak rinata.

*

Tuta urman, chaywanka kanta rikuna yuyaymi tukurin,

yakushinami ñuka wakayka urman.

Ñukapa shamuk pacha punchapi kikinta rikuna yuyaytami wakaychini,

tuta urman, puyupa chunllayaywan ñukapa shunkupash.

*

Yuyarini shuk shamuk pacha punchapi rikunkapak rinata,

wayra ñukapa llaki kawsayta rima,

mana kutimunki nishpami ninkuna.

LLuyaymi kan, ñukapa yuyaypika kikinpa shunku wankakunrami,

achikyamuypimi shuk ñawpa pacha punchapi rikunkapak rinata yuyani.